АН-ын бүлэг "хагарч", хурлаа хийж чадахгүйд хүрчээ

УИХ дахь намын бүлгүүд долоо хоног бүрийн даваа гарагт хуралддаг. Гэтэл УИХ дахь АН-ын бүлэг өнөөдөр (2021.10.18) хуралдахгүй аж.

Учир нь бүлгийн дарга Д.Ганбат өнгөрсөн долоо хоногт мэдээлэл хийж, С.Ганбаатар, Н.Алтанхуяг, Ц.Туваан нарыг бүлгээс хөөж, Ц.Тувааныг АН-ын гишүүнчлэлээс хасаж байгаагаа мэдэгдсэн. Гэтэл уг шийдвэрийг О.Цогтгэрэл даргатай АН-ынхан хүлээн зөвшөөрөхгүй байгаагаа мэдэгдэж, Д.Ганбатад хариуцлага тооцно гэсэн мэдэгдэл хийсэн.

Ийнхүү бие биенийгээ хөөж, нүд үзүүрлэх болсон АН-ын бүлэг дотоод асуудлаасаа болж хуралдаж чадахгүйд хүрсэн бололтой. 

Бүлэг хуралдахгүй ч УИХ дахь АН-ын бүлгийн дарга Д.Ганбат 11:00 цагт хэвлэлийн хурал хийхээр зарлаад байна.