ДОРНЫН ЗУРХАЙ: Үс засуулбал өлзийтэй сайн
НАМРЫН АДАГ ШАР НОХОЙ САРЫН НАЙМАН ЦАГААН МЭНГЭТЭЙ ХӨХ БАР ӨДӨР
- Аргын тооллын: 2021.11.2 Мягмар гараг
- Билгийн тооллын: 27
- Үс засуулвал: Өлзийтэй сайн
- Наран ургах, шингэх: 07.38-17.33
- Барилдлага: Хүчин төгсөх
- Шүтэн барилдлага: Хурьцахуй
- Суудал: Төмөр
Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын авшиг авах, шинэ гэр ба байр авах, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн.
Золиг гаргах, бомбын үйл, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн
Холбоотой мэдээ
Сэтгэгдэл ( 0 )