С.Эрдэнэ: Би хууль ёсны дарга хэвээр байгаа

АН-ын даргын асуудал маргаан дагуулсан хэвээр байна. О.Цогтгэрэл, М.Тулгат нарыг бүртгүүлэх асуудал яригдаж байсан ч Дээд шүүх О.Цогтгэрэлээс татгалзаж, С.Эрдэнэ М.Тулгатаас татгалзсан аж.

Өөрөөр хэлбэл, М.Тулгатыг АН-ын даргаар бүртгүүлэх хүсэлтийг С.Эрдэнэ эгүүлэн татаж, өөрийгөө намын даргаар бүртгүүлэх хүсэлт хүргүүлсэн гэх. Үүнтэй холбоотойгоор С.Эрдэнийн байр суурийг тодрууллаа. 

-М.Тулгатыг АН-ын даргаар бүртгүүлэх хүсэлтээ эгүүлэн татсан гэдэг мэдээлэл байна. Үүнд тайлбар өгөхгүй юу?

-Маргааш 4:11 мэдээллийн цагаар энэ тухай дэлгэрэнгүй мэдээлэл өгнө. Өнөөдөр орой удирдлагын багийн хуралтай.

-М.Тулгат, О.Цогтгэрэл нар үгсэн хуйвалдаж, дүрмийн бус үйлдэл гаргах гээд байна гэх хардлагыг та илэрхийлсэн байсан?

-Маргааш мэдээлнэ. 

-Намын даргаа сонгосон сонгууль тань хүчин төгөлдөр бус гэсэн үг үү?

-Юу гэсэн үг юм.

-Хүчин төгөлдөр сонгууль болж өнгөрсөн бол өнөөдөр М.Тулгат гэдэг хүнийг АН-ын даргаар бүртгүүлэх байсан юм биш үү?

-Маргааш мэдээлэл өгнө. Би дур мэдэн ганцаараа энэ талаар ярихгүй. Өнөөдөр удирдлагын баг хуралдаж, хэрхэн мэдээлэл хийх талаар ярилцана. 

-АН  С.Эрдэнийн халаасанд орох гэж байна гэдэг шүүмжлэл байна. Үүнд та ямар тайлбар өгөх вэ?

-АН хэний ч халаасанд ордог нам биш. АН бол жижиг нам биш.

-Улсын бүртгэлд бүртгэлтэй тамгыг нь та авчихаад энийг дарга болгоно, тэрийг дарга болгохгүй гээд суугаад байгаа юм биш үү?

-Би ямар ч юм аваагүй. Би Улсын дээд шүүхэд бүртгэлтэй хууль ёсны намын дарга хэвээр байгаа.