ДОРНЫН ЗУРХАЙ: Морь жилтнээ аливаа үйлийг хийхэд ЭЕРЭГ сайн
ӨВЛИЙН АДАГ ЦАГААГЧИН ҮХЭР САРЫН НАЙМАН МЭНГЭТЭЙ ЦАГААН УЛААН БАР ӨДӨР
- Аргын тооллын: 2022.01.13 Пүрэв гараг
- Билгийн тооллын: 11
- Үс засуулвал: Эрхтэн хурц болно.
- Наран ургах, шингэх: 08.38-17.23
- Барилдлага: Хүчин төгсөх
- Шүтэн барилдлага: Төрөхүй
- Суудал: Төмөр
Энэ өдөр морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын авшиг авах, шинэ гэр ба байр авах, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, сэтгэлд сэвтэй газар очих, хүүхэд хөлд оруулахад муу.
Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эрхтэн хурц болно.
Холбоотой мэдээ
Сэтгэгдэл ( 0 )