АН "Хөгжлийн банк"-ны асуудлаар Түр хороо байгуулах санал гаргалаа

УИХ дахь АН-ын бүлгээс өнөөдөр /2022.02.15/ "Хөгжлийн банк"-ны асуудлаар мэдээлэл хийлээ. 

Энэ үеэр тус намын бүлгийн дарга УИХ-ын гишүүн Д.Ганбат "Хөгжлийн банк"-ны асуудлаар УИХ-ын хяналт, шалгалт хийх Түр хороо байгуулах саналыг гаргаж, бусад гишүүдээ уриалж байгаагаа мэдэгдлээ. Тэрбээр "Миний зүгээс бүрэн эрхийнхээ хүрээнд Түр хороо байгуулах саналыг гаргаж байна. Саналыг минь хүлээн авна гэдэгт итгэж байна. Мөн 76 гишүүндээ уриалга хүргүүлнэ. Түр хороо байгуулахад 19 гишүүн гарын үсгээ зурах ёстой. Гарын үсэг цуглуулна" гэлээ.