Өмнөговь аймгийн МАН-ын хорооны Бага хурал болж байна

Өмнөговь аймгийн МАН-ын XXXIV Бага хурал яг одоо /2022.02.16/ болж байна. "Эв нэгдэл, хамтын хүч" уриан дор болж байгаа энэхүү хурлаар Өмнөговь аймгийн МАН-ын хорооны дарга болон намын хороо, хяналтын хорооны гишүүдээ сонгохоос гадна намын хорооны анхдугаар хурлаар намын хорооны дэд дарга, тэргүүлэгчдээ сонгож, батлах юм.

Тэгвэл тус аймгийн МАН-ын хорооны даргад "Эрхэт Монгол групп"-ийн Төлөөлөн удирдах зөвлөлийн дарга Х.Мандахбаяр нэр дэвшээд байна. Харин нэр дэвшигч УИХ-ын гишүүн асан Л.Энхболд нэрээ татсан бол заалнаас Өмнөговь аймгийн Даланзадгад сумын Засаг дарга Х.Батболд нэрээ дэвшүүлжээ. Одоогоор нэр дэвшигч Х.Мандахбаяр, Х.Батболд нар мөрийн хөтөлбөрөө танилцуулж байна.