Элчин сайд Л.Болд итгэмжлэх жуух бичгээ өргөн барив

2022 оны 03 сарын 04

Монгол Улсаас Бельгийн Хаант Улсад суугаа Онц бөгөөд Бүрэн эрхт Элчин сайд Л.Болд 2022 оны 2 дугаар сарын 24-ний өдөр Бельгийн Цог Жавхлант Хаан Филиппт Итгэмжлэх жуух бичгээ барьж, үүрэгт ажилдаа орлоо.

Элчин сайд Л.Болд Монгол Улсын Ерөнхийлөгч У.Хүрэлсүхийн мэндчилгээг Бельгийн Цог Жавхлант Хаан Филиппт уламжилж, хоёр орны найрсаг харилцаа, хамтын ажиллагаа өргөжин хөгжиж байгааг тэмдэглээд цаашид хөдөө аж ахуй, байгаль орчин, үйлдвэрлэл, боловсролын салбарт хамтын ажиллагааг идэвхжүүлэхээр санал солилцов.

Бельгийн Цог Жавхлант Хаан Филипп Монголын Улсын Ерөнхийлөгчид болон нийт Монголын ард түмэнд мэндчилгээ дэвшүүлж, эрүүл энх, хөгжил цэцэглэлийг ерөөв.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
ИРГЭН (103.9.90.130)  2022 оны 03 сарын 04

УРВАГЧ. ИТГЭЖ БОЛОХГҮЙ ХҮН\n

0  |  1
Top