С.Одонтуяа: Шинэ хоёр яамны САЙДЫГ ТОМИЛОХЫГ шаардаж байна

УИХ дахь АН-ын бүлэг өнөөдөр /2022.03.21/ хурадлаа. Хуралдааны дараа тус намын бүлгийн дарга, УИХ-ын гишүүн Д.Ганбат, УИХ-ын дэд дарга С.Одонтуяа болон АН-ын дарга С.Эрдэнэ нар мэдээлэл хийлээ. 

Энэ үеэр УИХ-ын дэд дарга С.Одонтуяа "Та бүхэн санаж байгаа байх. Өнгөрсөн чуулганаар Эдийн засгийн хөгжлийн яам болон Цахим хөгжил, харилцаа холбооны яамыг байгуулсан. Энэ хоёр яамыг их чухал хэрэгтэй гэж байгуулсан ч өнөөдрийг болтол сайдыг нь томилоогүй байна. Сайдыг нь өөр хоёр яамны сайд нар түр орлон гүйцэтгэж байна. Б.Жавхлан, Л.Энх-Амгалан сайд нарын яамд нь ажил ихтэй байдаг. Гэтэл өөр яамыг хавсарч ажиллана гэдэг бол хангалтгүй. Тиймээс энэ хоёр яамныхаа сайд нарыг томилооч ээ гэдэг шаардлагыг тавьж байна" хэмээн тодотголоо.