НАМЗХ энэ сарын 3-нд нэрээ солино

МАН-ын дэргэдэх Нийгмийн ардчилал, Монголын залуучуудын холбооны /НАМЗХ/ ээлжит бус Их хурал энэ сарын 2,3-ны өдрүүдэд болно. Ингэхдээ дөрөвдүгээр сарын 2-нд бүтэн өдрийн турш Ерөнхийлөгчийн нэрэмжит академийн сургалт болох аж.

Харин дөрөвдүгээр сарын 3-нд буюу ням гарагт холбооны гишүүд хуралдаж, НАМЗХ хэмээх нэрээ солихоор болжээ. Мөн энэ хурлаар насны хязгаар болон бүтэц бүрэлдэхүүнээ шинэчилж, тэргүүнээ сонгохоор төлөвлөжээ.

НАМЗХ нь дүрмийн дагуу хоёр жилд Их хурлаа хийх ёстой. Энэ дагуу өнгөрсөн жил хуралдах байсан ч коронавирусийн цар тахлын халдварын нөхцөл байдалтай холбоотойгоор түр хойшлуулаад байсан юм.