Бал сараа тэмдэглэхээр явсан Хён Бин, Сон Еэ Жин нарыг фенүүд нь ТАВГҮЙТҮҮЛЖЭЭ

Гуравдугаар сарын 31-нд хуримаа хийсэн шинэхэн хосууд болох Хён Бин, Сон Еэ Жин нар дөрөвдүгээр сарын 11-нд бал сараа тэмдэглэхээр Америкийг зорьсон.

Хоёулхнаа цагийг өнгөрөөхөөр шийдсэн хосууд ямар ч менежергүйгээр явсан бөгөөд тэднийг LA дахь нисэх онгоцны буудал дээр фенүүд нь болон сурвалжлагчид тосон авсан байна. 

Зарим фенүүд нь тэдэнд цэцгийн баглаа бэлэглэж байсан бөгөөд хамтдаа зураг авахуулж, гарын үсгийг нь авч байжээ.

Ингэхдээ авч яваа тээшийг нь унагах шахам түлхэлцэж, тухгүй байдал үүсгэжээ. Үүнээс болж менежерийн ямар нэгэн тусламж байхгүй байсан тэдний эргэн тойронд эмх замбараагүй байдал үүссэн байна. 

Хосууд Los Angeles-т хоёр долоо хоногийг өнгөрүүлнэ. Найзуудтайгаа гольф тоглох төлөвлөгөө хуваарьт багтсан учир өөрсдийн гольфийн хэрэгслээ авч явжээ.