Засгийн газар хэмнэлтийн бодлого хэрэгжүүлж, төсөвт тодотгол хийхээр болсон.

Ингэхдээ төрийн өмчит 39 аж ахуйн нэгжийг олон улсын шууд хяналтад оруулна. Дээр нь 10 орчим компанийг нэгтгэнэ, 10 орчмыг татан буулгана. Хот суурин газарт том оврын авто машиныг хэрэглэхийг хязгаарлана. Төрийн байгууллагынхан хот дотор том хөдөлгүүртэй автомашин хэрэглэхгүй гэсэн шийдвэрийг Ерөнхий сайд Л.Оюун-Эрдэнэ гаргасан.

Тэгвэл Засгийн газрын хуралдаанаас гаргасан шийдвэрийн дагуу сайд нар том оврын автомашинаас татгалзаж, нэгдсэн унаагаар ажлаа амжуулахаар болжээ. 

Төсвийн зардлыг хэмнэх ЗАСГИЙН ГАЗРЫН БОДЛОГО
 

• Төрийн өмчит нийт 39 аж ахуйн нэгжийг олон нийтийн шууд хяналтад оруулах, 10 компанийг нэгтгэн нийлүүлэх, цаашид төр оролцох шаардлагагүй санхүүгийн эрсдэлтэй 10 компанийг татан буулгах, худалдах арга хэмжээ авна.
   
• Хот суурин газарт зөвхөн сайд, аймаг, нийслэлийн Засаг дарга нар суудлын жижиг оврын автомашин хэрэглэнэ.
   
• Цаашид төрийн өмчид байгаа автомашинуудыг бусад тээврийн хэрэгслээс ялгах улсын дугаарын өнгөтэй болгоно.
   
• Чиг үүргийн давхардлыг арилгаж, төрийн бүтээмжийг дээшлүүлж, шинээр орон тоо нэмэгдүүлэхгүй.
   
• Хэмнэх боломжтой бүхий л зардлыг 10-15 хувь хэмнэнэ.
   
• Гар утасны зардал, зочин төлөөлөгч хүлээж авах, бэлэг авах зардлыг төрөөс төлөхгүй бөгөөд гадагшаа томилолтоор явахдаа зөвхөн энгийн ангиллаар зорчиж, үндэсний авиа компаниар үйлчлүүлнэ.
   
• Төрийн тусгай албан хаагчаас бусад албан хаагч дүрэмт хувцас хэрэглэхгүй байна.
   
• Төрийн байгууллагууд сургалт, семинар, зөвлөлгөөнийг зөвхөн цахимаар зохион байгуулна.