ДОРНЫН ЗУРХАЙ: Энэ өдөр бар, нохой жилтнээ ЭЕРЭГ сайн

2022.04.23 / БЯМБА ГАРАГ БИЛГИЙН ТООЛЛЫН 22

ХАВРЫН АДАГ ХӨХ ЛУУ САРЫН ДОЛООН УЛААН МЭНГЭТЭЙ УЛААН МОРЬ ӨДӨР

• Үс засуулвал: Идээ ундаа элбэг олдоно
• Наран ургах, шингэх: 05.48-19.53
• Барилдлага: ШИД
• Шүтэн барилдлага: САНСАР
• Суудал: Мод

Энэ өдөр бар, нохой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, гарагийг тахих, тангараг тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу.

Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойшоо мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.