Ерөнхий сайд бүлгийн хуралд оролцоно

Монгол Улсын Ерөнхий сайд Л.Оюун-Эрдэнийг АНУ руу гэнэтийн айлчлалаар явсан гэх ташаа мэдээлэл сошиал орчинд тархаж эхэллээ.

Эл мэдээллийг Ерөнхий сайдын хэвлэлийн төлөөлөгч болон Гадаад харилцааны яамнаас үгүйсгэж байна. 

Ерөнхий сайд АНУ яваагүй бөгөөд өнөөдөр (2022.04.25) болох УИХ дахь МАН-ын бүлгийн хуралд оролцох аж. Бүлгийн хурлаар энэ долоо хоногт хэлэлцэх асуудалтай холбогдуулан саналаа нэгтгэх юм.