Халдашгүй байдлын дэд хороо маргааш хуралдаж, 4 гишүүний бүрэн эрхийг хэлэлцэнэ

Улсын Ерөнхий прокурор Б.Жаргалсайхан өчигдөр /2022.04.25/ УИХ-ын гишүүн Ё.Баатарбилэг, Х.Ганхуяг, Н.Алтанхуяг, Г.Амартүвшин нарын бүрэн эрхийг түдгэлзүүлж, шалгах хүсэлтээ УИХ-ын дарга Г.Занданшатарт хүргүүлсэн талаар мэдээлсэн билээ. 

Тэгвэл УИХ-ын даргын дэргэдэх зөвлөл өнөөдөр /2022.04.26/ хуралдаж, энэ долоо хоногт байнгын хороо болон чуулганы нэгдсэн хуралдаанаар хэлэлцэх асуудалд өөрчлөлт оруулжээ. Энэ хүрээнд УИХ-ын Халдашгүй байдлын дэд хороо маргааш 10:00 цагт хуралдаж, дөрвөн гишүүний бүрэн эрхийн асуудлыг хэлэлцэхээр болсон байна. 

Түүнчлэн УИХ-ын энэ долоо хоногийн чуулганы нэгдсэн хуралдаанаар Х.Ганхуяг, Н.Алтанхуяг, Г.Амартүвшин, Ё.Баатарбилэг нарын бүрэн эрхийг түдгэлзүүлэх эсэх прокурорын байгууллагын саналыг хэлэлцэн шийдвэрлэхээр төлөвлөжээ.