"Ч.Сайханбилэгийн хэрэг ЭЦЭСЛЭГДЭЭГҮЙ, гэм бурууг нь ТОГТООГООГҮЙ"

С.Эрдэнэ даргатай АН-аас Ерөнхий сайд асан Ч.Сайханбилэгийг Үндэсний бодлогын хорооны гишүүнээр сонгосон билээ.

Үүнтэй холбогдуулан УИХ дахь АН-ын бүлгийн хуулийн зөвлөхөөр ажиллаж байгаа Улсын Ерөнхий прокурор асан Г.Эрдэнэбат "Миний бие УИХ дахь АН-ын бүлгийн хуулийн зөвлөх. АН-ын Үндэсний бодлогын хорооны сонгуулийн асуудал бол намын шийдвэр. Эрх зүйн зохицуулалт нь зөв бурууг тэднээс асуусан нь зөв байх. Нэгт, би мэдэхгүй байна. Хоёрт, өмнөөс нь зөв буруу гэж хэлэх эрх алга" гэх тайлбарыг өглөө. 

Харин УИХ дахь АН-ын бүлгийн дарга Д.Ганбат "Монгол Улсын иргэн хэн ч бай гэм бурууг нь иргэн хүн тогтоохгүй, шүүх тогтооно. Ерөнхий сайд асан Ч.Сайханбилэгийг гэм буруутайг нь тогтоосон зүйл байхгүй. Янз бүрийн байдлаар хууль хяналтын байгууллага дээр шалгагдаж байгаа. Гэхдээ эцэслэн шийдэгдээгүй" гэв.