Дуэйн Жонсон ээждээ БАЙШИН бэлэглэж, УЙЛУУЛАВ

Америкийн жүжигчин Дуэйн Жонсон ээждээ гайхалтай бэлэг өгчээ. 50 настай Дуэйн ээждээ зориулан байшин барьж, бэлэглэхэд шинэ гэртээ орсон ээж нь нулимсаа барьж дийлээгүй гэнэ. 

Дуэйныг бага байхад ээж нь амьдарч байгаа нөхцөлдөө санаа зовнин уйлдаг байсан талаар жүжигчин дурсжээ. Тэрбээр “Ээжийг уйлж байгааг харах маш хэцүү байдаг байлаа. Одоо би түүнийг баярын нулимс унагахыг харахын тулд бүх зүйлийг хийх болно” гэсэн байна.

Жүжигчин уг байшингийн зураг төслийг гарган, мэргэжлийн хүмүүстэй хамтран хоёр сарын дотор барьжээ. Тэрбээр өмнө нь ээждээ мөн байшин бэлэглэж байсан билээ. Харин энэ байшингаа Дуэйн “Энэ бол ээжийн мөрөөдлийн байшин. Түүний хувьд сүүлчийнх нь гэр байгаасай гэж хүссэн. Ээжийгээ жаргалтай байлгахын тулд бүгдийг хийх болно” хэмээн ярьжээ.