Б.Пүрэвдорж: Ийм хууль батлах аваас уяачид үнэ цэнэгүй болно
УИХ-ын өнөөдрийн /2022.06.17/ чуулганы нэгдсэн хуралдаан үргэлжилж байна.
Хуралдаанаар Үндэсний их баяр наадмын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд-ийг хэлэлцэж байна.
Энэ үеэр УИХ-ын гишүүн Б.Пүрэвдорж "Морь уралддаг гэж яриад байх юм. Тэрний чинь цаана хүн уралддаг юм. Уяачид уралддаг. Тэрний цаана нэр хүнд олж авдаг. Бүсийн наадам ямар ч зардал гаргадаггүй. Төрөөс ямар ч зардал гарахгүй. Энэ заалтын чинь үр дүнд сум, аймгийн бүсийн уралдаан байхгүй болчихлоо. Өдөр шөнөгүй морио уяж байгаа уяачид чинь ямар ч үнэ цэнэгүй болно шүү дээ. Юугаа харамлаад байдаг юм. Та нараас юу ч гарахгүй шүү дээ. Засгийн газарт юу ч мэдэхгүй нөхөд орж ирчихээд тэр сайхан боломжийг хааж байна. Ингэж болохгүй ээ, ийм зүйлийг баталж болохгүй" хэмээн байр сууриа илэрхийлэв.
Холбоотой мэдээ
Сэтгэгдэл ( 2 )
Асуудал нь нэг талын цэвэр монгол адуу гэж хайр зарлаад байгаа тал, хурдан болгож байвал сайн гэж эрлийзжүүлдэг тал хоёуланд байна. Хоёулаа олон юм хүсээд шуналтаад байгаа шүү дээ. Үнэхээр уралдаан юм бол эрлийз адуучид яагаад заавал наадамд орж цоллуулаа гээд байгаа юм? Тусдаа мөнгө төгрөгөө бооцоолоод уралдаач дээ. Уралдаан биш үндэсний ард олны чанартай байх ёстой гээд байгаа цэвэр монгол адууны тал нь бас уралдаан ыиш юм бол бай шагнал, уяачдын цол, туг тойрж яах гээд байгаа юм? Зүгээр наадмаар уралдаад л тарцгаагаач дээ. Хоёулаа шуналын тулам.
Угаасаа уяачдын үнэ цэнэ гэж юу байдаг юм бэ, хэрэггүй олон уралдаанаар яадаг юм бэ