ДОРНЫН ЗУРХАЙ: Үс засуулбал ЖАРГАЛ ирнэ

2022.06.24 / БААСАН ГАРАГ / БИЛГИЙН ТООЛЛЫН 26

ЗУНЫ ИЛҮҮ ТЭРГҮҮН САРЫН НАЙМАН МЭНГЭТЭЙ ЦАГААН ШАР БИЧ ӨДӨР

• Үс засуулвал: Жаргал үргэлжид ирнэ
• Наран ургах, шингэх: 04.54-20.55
• Барилдлага: Түлэх   
• Шүтэн барилдлага: Хурьцахуй   
• Суудал: Ус

Энэ өдөр хулгана, луу жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, сан тавиулах, угаал үйлдэх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу.

Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн.