ДОРНЫН ЗУРХАЙ: Энэ өдөр архи уух, сэтгэл муутантай нөхөрлөхийг цээрлэх хэрэгтэй

Аргын тооллын 8 сарын 29, Сумъяа гараг. Билгийн тооллын 2,

НАМРЫН ТЭРГҮҮН ШАР БИЧ САРЫН ТАВАН ШАР ХӨХ БАР ӨДӨР

• Үс засуулвал: Хэл,ам,хэрүүл тэмцэл ирнэ
• Наран ургах, шингэх: 06.06-19.41
• Барилдлага: Үл зохилдох   
• Шүтэн барилдлага: Авахуй   
• Суудал: Мод

Харцага одтой, хөх бар өдөр. Өдрийн наран 6 цаг 06 минутад мандан, 19 цаг 41 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн.

Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Гөлөг тэжээх, золиг гаргах, бомбын үйл, хүүхэд хөлд оруулахад муу.

Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойд зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.