ДОРНЫН ЗУРХАЙ: Энэ өдөр хишиг даллага дуудуулахад сайн

Аргын тооллын 9 сарын 12, Сумъяа гараг. Билгийн тооллын 17

НАМРЫН ТЭРГҮҮН ШАР БИЧ САРЫН ЕСӨН УЛААН ШАР ЛУУ ӨДӨР

• Үс засуулвал: Өнгө зүс доройтно
• Наран ургах, шингэх: 06.25-19.12
• Барилдлага: Рашаан
• Шүтэн барилдлага: Сэрэхүй
• Суудал: Ус

Дэлгэрүүлэгч одтой, шар луу өдөр. Энэ өдөр хулгана, бич жилтнээ аливаа үйлийг хийхэд эерэг сайн.

Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, эрдэнийг гадагш өгөхөд муу.

Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.