Монголын уул уурхайн салбарынхан ирэх 7 хоногт чуулна

Монгол Улсад орчин цагийн уул уурхайн салбар үүсэж хөгжсөний 100 жилийн ойн хүрээнд зохион байгуулагдах “Монголын уул уурхайн долоо хоног-2022” чуулга уулзалтыг 2022 оны есдүгээр сарын 19-23-ны өдрүүдэд Шангрила зочид буудалд болно.

“Монголын уул уурхайн долоо хоног-2022” чуулга уулзалтын үеэр “Засгийн газрын цаг”, “Нэн түрүүнд аюулгүй байдал”, “Хөрөнгө оруулалтын форум”, “Уул уурхайн салбар дахь эмэгтэйчүүд”, “Хариуцлагатай уул уурхай ба орон нутаг”, “Гүний уурхайн симпозиум”, “Үүсмэл ордын ашиглалт”, “Үйлдвэржилтийн төлөвлөлт”, “Монгол үйлдвэрлэв ханган нийлүүлэлтийн үзэсгэлэн”, “Майнинг Монголия 2022 экспо” зэрэг салбар хуралдаан, зөвлөгөөн, үзэсгэлэнг аж ахуйн нэгж, иргэд, олон нийтэд нээлттэй байдлаар зохион байгуулах аж.

Жич: “Монголын уул уурхайн долоо хоног-2022” чуулга уулзалтад https://miningweek.mn/ веб хуудаст хандаж бүртгүүлнэ үү.