Дуучин Борис Моисеев нас баржээ

ЗХУ, Оросын дуучин Борис Моисеев 68 насандаа таалал төгссөн талаар РИА Новости агентлаг мэдээллээ.

Дуучин 1954 онд Беларус дахь эмэгтэйчүүдийн засан хүмүүжүүлэх газарт төрсөн бөгөөд тухайн үед Борисын ээж Геня Мойсес улс төрийн хоригдол байжээ.

Эстрадын дуучин, бүжигчин, бүжиг дэглээч, ОХУ-ын гавьяат жүжигчин Борис Моисеевын хамгийн алдартай дуунууд нь “Голубая луна”, “Щелкунчик” зэрэг юм.

Дуучин 2010 болон 2015 онд харвалт өгж, тайзаа орхиод байсан билээ.