Г.Эрдэнэбат: Бүлгийн даргаар О.Цогтгэрэлийг томилсон шийдвэр хүчин төгөлдөр

Б.Эрхэс | Zindaa.mn
2022 оны 10 сарын 03

УИХ дахь Ардчилсан намын бүлэг өнөөдөр /2022.10.03/ 2022 оны намрын ээлжит чуулганы анхны хуралдаанаа хийв.

Бүлгийн хуралдаанаар дараах хоёр асуудлыг хэлэлцсэн байна.

Үүнд,

1. Монгол Улсын Нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуульд өөрчлөлт оруулах тухай, Монгол  Улсын 2023 оны төсвийн тухай, Нийгмийн даатгалын  сангийн 2023 оны төсвийн тухай хуулийн төсөл болон хамт өргөн мэдүүлсэн хуулийн төслүүд;

2. Улсын Их Хурлын тухай хуулийн 31.12 дугаар зүйл нь Үндсэн хууль зөрчсөн эсэх талаар Үндсэн хуулийн Цэц маргаан үүсгэсэнтэй холбоотой асуудлаар мэдээлэл сонслоо.

Сангийн сайд Б.Жавхлан төсөвтэй холбоотой мэдээллийг өгч, гишүүдийн асуултад хариулсан. Гишүүдийн хувьд, өргөн барьсан төсвийг дүгнэхэд, ирэх жил төрийн өмч давамгайлсан эдийн засагтай улс болохоор харагдаж байна. Ингэснээр бизнест орох мөнгө багасч бизнесүүд улам “хатингарших нь”. Ядуурал асар ихээр нэмэгдэж, дундаж давхарга устах аюул нүүрлэв. Иргэд ажил хийгээд байгаа хэрнээ ядууралд өртдөг тогтолцоотой боллоо. Энэ нь эрх баригчдын бодлого оновчгүй байгааг илтгэж байна гэж дүгнэв.

Түүнчлэн хүүхдийн мөнгийг 91 хувьд олгоно гэвэл Үндсэн хууль зөрчсөн хэрэг болохыг анхааруулж, гаалийн татвараас чөлөөлөх  ХАА-н боловсруулах үйлдвэрийн тоног төхөөрөмжний чиглэл, нэр тодорхой болсон талаар тодрууллаа. Мөн орон нутагт цалин нэмэхэд зориулж хэр мөнгө тусгасан, төрийн захиргааны ажилтнуудын цалингийн нэмэгдлийн талаарх асууж, хариулт авав.

УИХ дахь Ардчилсан намын бүлгийн даргаар О.Цогтгэрэлийг томилсон. Энэ нь Үндсэн хууль зөрчсөн гэж үзэн нэр бүхий иргэн Цэцэд гомдол гаргаад буй. Цэцэд маргаан үүссэн учраас хуулийг түдгэлзүүлж, асуудал шийдэгдтэл Бүлгийн даргаар Д.Ганбат хэвээрээ байх ёстой гэх мэдээлэл гарсан. Энэ талаар УИХ дахь Ардчилсан намын бүлгийн хуулийн зөвлөх Г.Эрдэнэбат тайлбар өглөө.

Тэрбээр, Үндсэн хуульд маргаан үүсмэгц хуулийг түдгэлзүүлдэггүй. Дунд суудлын хуралдааны дүгнэлт гарсан тохиолдолд түдгэлзүүлнэ. Одоогоор Үндсэн хуулийн Цэцийн дунд суудлын хуралдаан хуралдаж ямар нэг шийдвэр гараагүй учраас Ардчилсан намын бүлгийн дарга О.Цогтгэрэлийг томилсон шийдвэр хүчин төгөлдөр. Бүлгийн ажил хэвийн тасралтгүй хуулийн дагуу явж байна гэлээ.  

Сэтгэгдэл ( 6 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Orhon(66.181.160.55) 2022 оны 10 сарын 04

Hogiin gar daa

0  |  0
зочин (66.181.178.76) 2022 оны 10 сарын 04

Зохион байгуулалттай гэмт хэргийн бүлэглэлийн толгойлогч шоронд байсан шинжгүй улс төр нам ярьж олон нийтийн мэдээллийн хэрэгслээр тоосон шинжгүй гарч ирээд биднийгээ доромжлоод байгаа юм уу.

1  |  0
(202.9.40.40) 2022 оны 10 сарын 04

Дуугүйхэн л шорондоо очиж ”цагираглаасай” билээ, эн нөхөр.

1  |  0
Үнэн(103.57.92.154) 2022 оны 10 сарын 04

Шоронд эмэгтэй хүнийг ухаан алдуулж, шалдлан, бичлэг хийж байсасн яргачин Эрдэнэбат прокурор АН-ын зөвлөх болчихсон гэхээр Монголд ардчилал, хүний эрх байхгүй болж байгаа юм байна. МАН, АН адилхан дарангуйлагчид, авилгалчид болжээ.

2  |  0
ЖАН(202.21.109.8) 2022 оны 10 сарын 04

Эрүүдэн шүүгч намаа яг олж шүү

1  |  0
zochin(117.61.198.222) 2022 оны 10 сарын 04

Ene.sda baahan hun.helmegduulcheed.zailaach

2  |  0
Top