ДОРНЫН ЗУРХАЙ: Энэ өдөр үхэр, могой жилтнээ эерэг сайн

БИЛГИЙН ТООЛЛЫН 11 2022.11.04 / БААСАН ГАРАГ

НАМРЫН АДАГ ЦАГААН НОХОЙ САРЫН НЭГ ЦАГААН мэнгэтэй ЦАГААГЧИН ТАХИА ӨДӨР

• Үс засуулвал: Эрхтэн хурц болно
• Наран ургах, шингэх: 07.41-17.30
• Барилдлага: Түлэх   
• Шүтэн барилдлага: Сэрэхүй   
• Суудал: Шороо

Энэ өдөр үхэр, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, угаал үйлдэх, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийхэд муу.

Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал эрхтэн хурц болно.