Х.Болормаа: Би хууль зөрчөөгүй, намайг Лу.Гантөмөрийн хүмүүс харлуулж байна

Сүхбаатар дүүргийн Засаг дарга Х.Болормаа өчигдөр /2023.01.31/ Тв8 телевизийн "Зочны цаг"-т орж өөртэй нь холбоотой сөрөг мэдээлэлд байр сууриа илэрхийлжээ.

Тэрбээр тодруулга ярилцлагадаа "Сүхбаатар дүүргийн ИТХ-аараа Ахмадыг дэмжих хөтөлбөрийг батлуулсан. Иргэдийн амьдрал хүнд, хэцүү байна. Орон гэр нь шатчихсан хүмүүс орж ирж байна. Өрх толгойлсон ээж, аавууд байна. Бүх зүйл судалгаатай. Дүүргийн хэмжээнд 18 мянган ахмад настан байдаг. Бид ярилцаад хэвийн боов биш таван кг будаа, 10 кг гурил болон тавгийн еэвэн өгөхөөр болсон юм. Ингэхдээ хуулиудаа харна. Нийтээрээ шийдэж, энэ шийдвэрийг гаргасан. Тогтоолыг Засаг дарга л хэрэгжүүлж байгаа юм. Би хууль зөрчөөгүй" хэмээн тодотгожээ. 

Түүнчлэн "Улстөржөөд эхэллээ, судаллаа. Асуудлыг анх Ч.Лодойсамбуу гэдэг хүн тавьсан, сэтгүүлч. Энэ улс төрийн зорилготой гэж харж байна. Сая манай намын даргаар Лу.Гантөмөр сонгогдсон. Сүхбаатар дүүргээс гурван удаа сонгогдсон. Энэ хүний туслах нь Ч.Лодойсамбуу байсан, бүгд л мэдэж байгаа. Өөрийн эрхгүй хардах сэтгэл төрж байна. Манайх дотроосоо л асуудлыг тавьж байна, шулуухан л хэлье. Арга байхгүй тавьж байгаа хүмүүс нь эдгээр байна. Би бол харамсаж байна. Зөвхөн Х.Болормаа намайг харлуулах биш бүхэл бүтэн дүүргийн АН, хамт олны төлөөлөгч нарын олон жил хичээж ажилласны үр дүнг харлуулж байна. Өнөөдөр би 300 тэрбум төгрөг баталчихаад нийслэлийн төсвийн 30 хувийг бүрдүүлчихээд нэг тэрбум төгрөгийг ахмадууддаа зориулж болдоггүй юм. Энэ чинь хууль ёсны л зүйл шүү дээ" хэмээн ярьжээ. 

БҮРЭН ЭХЭЭР НЬ ҮЗЭХ!