А.Отгонбаатар: Ард түмэн ТЭНЭГ БАЙХ ТУСАМ та нарт ашигтай юм байна

УИХ-ын Төрийн байгуулалтын байнгын хорооноос өнөөдөр /2023.04.26/ Улс төрийн намын тухай хуулийн шинэчилсэн найруулгын төсөл болон Сонгуулийн тухай хуулийн төслийн хэлэлцүүлгийг зохион байгуулж байна. 

Энэ үеэр "Үнэн ба зөв" намын дарга А.Отгонбаатар "Ард түмэн нь амьдрах гээд гудамжинд өдөр болгон зүтгэж байна. Өнөөдөр ордонд ч орох эрхгүй намын дарга нар хэлэлцүүлэг хийсэн гэх нэр зүүж байна. Та нар улс төрөө л бодоод байх юм. Энэ улс, орон чинь нүдэн дээр чинь сүйрч байгаа нь харагдахгүй байна уу. МАН. АН ялгаагүй. Өөрсдийгөө боловсролтой гээд популизм хийгээд ард түмэнд таалагдах гээд байдаг. Ард түмэнд таалагдлаа гээд маргаашийнх нь ирээдүйг хулгайлаад 30 жил явлаа шүү дээ. Тэр 2009 онд алга ташуулж хамгийн их таалагдаж байсан хүн Ц.Элбэгдорж шүү дээ. Өнөөдөр хамгийн адгийн шаараараа дуудагдаж байгаа биз дээ. Яасан гэж энэ ард түмэн, улсыг хорлож байгаа юм. Та нар ард түмнээсээ асууя гэж байна. Асуу. Асуух гэж байгаа бол ард түмэндээ сонгогчдын боловсрол олго. Энэ ард түмэн тэнэг байх тусам та нарт ашигтай юм байна. Ард түмнээ өрөвдөхгүй байна уу, Д.Тогтохсүрэн дарга аа. Зүгээр л улс төрд явж байгаа та нараас, өөрөөсөө ой гутаж байна. Одоо залуу үеэ, ирээдүйгээ бодох болоогүй юм уу" хэмээн ярилаа.