ДОРНЫН ЗУРХАЙ: Газар лусын зан үйл хийх, өр барагдуулахад сайн

ЗУНЫ АДАГ ШАРАГЧИН ХОНЬ САРЫН ХОЁР ХАР МЭНГЭТЭЙ ЦАГААГЧИН МОГОЙ ӨДӨР

• Аргын тооллын: 2023.07.22, Бямба гараг
• Билгийн тооллын: 5
• Үс засуулвал: Эд, мал арвижна.
• Наран ургах, шингэх: 05.16-20.41
• Барилдлага: Түлэх
• Шүтэн барилдлага: Төрөхүй
• Суудал: Уул

Энэ өдөр үхэр, тахиа жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр гэмтнийг шийтгэх, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу.

Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал эд, мал арвидна.