Л.Гантөмөр: АН-ыг сөрөг хүчин гэж харах хэрэггүй

АН-ын Үндэсний бодлогын хороо өнөөдөр /2023.08.28/ Төрийн ордонд хуралдана. Хурлыг 12:00 цагт товлосон бөгөөд АН-ын Ерөнхий нарийн бичгийн даргыг сонгох юм. 

Тэгвэл АН-ын дарга Л.Гантөмөр хэвлэлд өгсөн ярилцлагадаа "АН-ыг сөрөг хүчин гэж харах хэрэггүй. Энэ нам эрх баригч нам байх ёстой. Би хэн нэгэн эрх мэдэлтэй хүний  халаасанд байдаггүй. Би бол Л.Гантөмөр. Намайг том бизнес хийдэггүй, мөнгө муутай болохоор хэн нэгэнтэй хамаатай гэж л хардаг юм шиг байгаа юм" гэх тайлбарыг өгчээ.