АЙЛЧЛАЛ: Пап Францисыг албан ёсоор угтах ёслол боллоо
Гэгээн Ширээт Улсын төрийн тэргүүн Пап Францис өчигдөр /2023.09.01/ манай улсад хүрэлцэн ирсэн.
Тэгвэл өнөөдөр Монгол Улсын Ерөнхийлөгч У.Хүрэлсүх Гэгээн Ширээт Улсын Төрийн тэргүүн, Пап Францисыг албан ёсоор угтах ёслол болж байна.
Түүхэнд тодоор тэмдэглэгдэн үлдэх энэ айлчлал хоёр улсын найрсаг харилцаа, хамтын ажиллагааг бэхжүүлэх, Монгол Улсын гуравдагч хөршийн болон энх тайванч гадаад бодлого, үйл ажиллагааг бататгах ач холбогдолтой.
Монгол Улс, Гэгээн Ширээт Улсын хооронд дипломат харилцаа тогтоосноос хойших 31 жилийн хугацаанд харилцаа, хамтын ажиллагаа соёл, боловсрол, эрүүл мэнд, хүмүүнлэгийн салбарт өрнөж байна.
Хоёр улсын харилцаа олон зуун жилийн түүхтэйг Гэгээн Ширээт Улсын номын сан, архивт хадгалагдаж буй харилцан солилцсон захидал, түүхэн баримт бичгүүд нотолдог юм.
Холбоотой мэдээ
Сэтгэгдэл ( 0 )