Л.Гантөмөр: АН-ын ЕНБД-ыг ойрын хугацаанд томилно

АН-аас өнөөдөр /2023.09.07/ цаг үеийн асуудлаар мэдээлэл хийлээ. 

Энэ үеэр АН-ын дарга Л.Гантөмөр "АН Сонгуулийн холимог тогтолцоог авахдаа төрийн бодлого ухаалаг гарах ёстой гэдэг зарчим дээр Үндсэн хуулийн өөрчлөлт, Сонгуулийн хуулийг хүлээж авсан. Ингэхийн тулд мэргэжлийн байх ёстой. Боловсролын салбарт төлөөлж чаддаг хүнийг нь дэвшүүлнэ. Эрүүл мэндийн салбарыг төлөөлж чаддаг хүнийг нь дэвшүүлнэ. Намын гишүүдийн дэмжлэгийг авсан хүмүүсийг нэр дэвшүүлнэ. Хүмүүс хүлээж авч байгаа, дэмжиж байгаа эсэхийг нь хүлээж авч жагсаалтад оруулна. Маш их шинэчлэгдсэн жагсаалт гарна гэдгийг тодорхой хэлэх байна" гэлээ. 

Түүнчлэн "Өнөөдрийн байдлаар АН-ын Ерөнхий нарийн бичгийн даргаа томилж амжаагүй байна. Ойрын хугацаанд томилно. Энэ бол цэвэр АН-ын даргын мэдлийн асуудал гэж ойлгох хэрэгтэй" гэж тодотголоо.