“Эрдэнэс тавантолгой” ХК бүх худалдан авалтыг хуулийн дагуу нээлттэй сонгон шалгаруулсан

УИХ дахь Ардчилсан намын бүлгээс өнөөдөр /2023.11.06/  “Эрдэнэс Тавантолгой” ХК төрийн болон орон нутгийн өмчийн хөрөнгөөр бараа ажил үйлчилгээ худалдан авахдаа тендер зарлахгүйгээр, сонгон шалгаруулалтгүй худалдан авалт хийдэг гэж мэдээлсэн. Тэгвэл тус компаниас үүнийг олон нийтийг төөрөгдүүлэсэн ташаа мэдээлэл хэмээн залруулга хийлээ.

Залруулга мэдээнд “Эрдэнэс Тавантолгой” ХК-ийн бүх худалдан авалт төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн дагуу нээлттэй сонгон шалгаруулалтын аргаар зохион байгуулсан бөгөөд тендер шалгаруулалт зарлахгүйгээр худалдан авалт хийгээгүй болохыг албан ёсоор мэдэгдэж байна.“Эрдэнэс Тавантолгой” ХК нь 2023 онд нийт 461,782,687,000 тэрбум төгрөгийн өртөг бүхий 71 ажил үйлчилгээ худалдан авах ажлыг Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн 8.1 дүгээр зүйлд заасны дагуу www.tender.gov.mnцахим хуудсанд байршуулж нээлттэй сонгон шалгаруулж 328,122,218,000 тэрбум төгрөгний гэрээ байгуулан ажиллаж байна. Онцгой дэглэм тогтоосон энэ хугацаанд 133,670,469,000 тэрбум төгрөгний төсвийн хэмнэлт хийсэн болно" гэв.