Газрыг 100 жилээр эзэмшүүлэх заалтыг хүчингүй болгох төсөлд санал авахаар ЗГ-т хүргүүллээ

УИХ-ын дарга Г.Занданшатар 2013 онд батлагдсан Хөрөнгө оруулалтын тухай хуульд заасан гадаадын иргэнд 100 жилээр газар эзэмшүүлэх заалтыг хүчингүй болгох хуулийн төсөл боловсруулж, Засгийн газарт санал авахаар хүргүүллээ.

Иргэн Н.Оюун-Эрдэнээс "Газрыг гадаадын иргэн 100 жилээр ашиглах, эзэмшихийг цуцлах" сэдэвтэй нийтийн өргөдлийг УИХ-ын цахим системд 2024 оны нэгдүгээр сарын 22-ны өдөр гаргасан. Уг өргөдөл 100.167 иргэний дэмжлэг авсан байна.

Үүнтэй холбогдуулан УИХ-ын дарга Г.Занданшатар Хөрөнгө оруулалтын тухай хуульд өөрчлөлт оруулах тухай хуулийн төслийг санаачлан, боловсруулжээ. Төсөлд санал, дүгнэлт авахаар Засгийн газарт  хүргүүлсэн байна.