Ардчилсан нам хяналтаа Ц.Элбэгдоржид бүрэн алдлаа
Ардчилсан намын сонгон шалгаруулах хорооны гишүүд сонгогджээ. Тэд энэ удаагийн сонгуульд Ардчилсан намаас нэр дэвшигчдийг сонгох юм байна. Сонгон шалгаруулах хороонд АН-ын дарга Лу.Гантөмөр, Тэргүүн дэд дарга С.Баярцогт, Ерөнхий нарийн бичгийн даргын үүрэг гүйцэтгэгч Э.Одбаяр, Нийслэлийн Ардчилсан намын дарга Т.Батцогт, Улс төрийн зөвлөлийн гишүүн Г.Эрдэнэбат, Д.Мөнх-Эрдэнэ, С.Батзаяа нар сонгогдсон байна.
Эдгээр хүмүүсийн ихэнх нь Ц.Элбэгдоржийн хамааралтай хүмүүс байгаа нь Ардчилсан нам хяналтаа Ц.Элбэгдоржид бүрэн алдсныг харуулж байна. Тэдний холбоо хамаарлыг хөөгөөд үзвэл, С.Баярцогт Ц.Элбэгдорж хоёр эртнээс хамааралтай. Ц.Элбэгдорж 1998 онд Ерөнхий сайд болохдоо С.Баярцогтыг Байгаль орчны сайдаараа томилж байв. 2004 онд хоёр дахиа гүйцэтгэх засаглалын тэргүүн болохдоо ч Хэрэг эрхлэхийн даргаараа С.Баярцогтыг урьж байв. Тэд ийнхүү эртнээс хөтөлгөө морь шиг явж иржээ. Ц.Элбэгдоржтой хамааралтай дараагийн хүн Улс төрийн зөвлөлийн гишүүн Г.Эрдэнэбат. Тэрбээр Ц.Элбэгдоржийг Ерөнхийлөгч байх үед Улсын Ерөнхий прокурорын орлогчоор томилогдон ажиллаж байсан юм. Улс төрийн зөвлөлийн гишүүн Д.Мөнх-Эрдэнийн тухайд Ц.Элбэгдоржийг Ерөнхийлөгч байх үед Хөх хот дахь Ерөнхий консулаар томилогдон ажиллаж байв. Улс төрийн зөвлөлийн гишүүн С.Батзаяа ч Ц.Элбэгдоржийн хүн гэгддэг. Тэрбээр Ц.Элбэгдоржийг Ерөнхийлөгчөөр ажилласан эхний дөрвөн жил хэвлэл мэдээллийн албаны даргаар нь ажиллаж байсан бөгөөд Ц.Элбэгдорж түүнийг АН-д хөтлөн оруулж ирсэн юм. Эндээс харвал гаднаа Лу.Гантөмөр Ардчилсан намыг удирдаж буй мэт боловч үнэн хэрэгтээ тус намыг Ц.Элбэгдорж удирдаж байна. Энэ удаагийн УИХ-ын сонгуульд оролцох Ардчилсан намын нэр дэвшигчдийг Ц.Элбэгдоржийн фракцийн хүмүүс тодруулж байгаа нь үүнийг тодорхой харуулж байна.
Холбоотой мэдээ
Сэтгэгдэл ( 6 )
Украйны алан хядагчид жирийн орос хүмүүсийг хэдэн зуугаар нь алж хядаж өөр дээрээ дайны гал дуудсан. Элбэрдорж оросын ард түмнийг алан хядах терростуудыг маш ихээр дэмжин баяр лан дэвхцэж байна.
Өөрсдийгөө сонгуульд гаран гэж бодоод байгаа бололтой, намын нэрсийн жагсаалтаар гарсан ч үйлдсэн үүлийн үрүүд чинь дуусаагүй байгаа тул шалгуулах л болно гэдгий бүү мартаараа, гишүүний хамгаалат үйлчлэхгүй гэдгийн бүү мартаараа, МАН эцсийн эцэст дахиад л Төр засгаа удирдаж хээл хахуультай тууштай тэмцэх болно гэдэг бат итгэлтэй байна
MONGOL HUMUUS ARDCHILSAN NERTEI AVILGACHIDIIG BITGII SONGO. ZUGEER L ERH EE ZUV EDLE. AVILGACHIDAAS L SALII ....
Овоо ш дээ. Элбэгээ ччинь ардчилалын туг. Монголыг энэ хүн л аварна
За ашгүй миньдээ!!! Яах юу байх вэ? Санал өгөхгүй амар боллоо.
Энэ удаагийн сонгууль Элбэгдорж ялах уу, Оюун-Эрдэнэ ялах уу гэдгийг хагалж өгөх сонгууль болохно,\nЭлбэгдоржийн АН гарвал манайх НАТО-гийн бааз болж Украйны араас орох нь тодорхой, \nУкрайн ч Орос-нато-гийн дайныг өөрийнхөө нутаг дэвсгэрт хүлээн авч явуулснаар үндсэндээ украйн гэдэг улс арилж байх шив дээ