БНХАУ-ын бараа бүтээгдэхүүний үзэсгэлэн "МИШЭЭЛ ЭКСПО"-д нээгдлээ
Монгол Улсын Засгийн газрын “Талын зам” үндэсний хөтөлбөрийг БНХАУ-ын “Бүс ба Зам” санаачилгатай уялдуулан худалдаа, эдийн засгийн харилцааг шинэ агуулгаар баяжуулан хөгжүүлэх, хөрөнгө оруулалтыг нэмэгдүүлэх, салбар бүрийн хамтын ажиллагааг өргөжүүлэх зорилгоор “БНХАУ-ын бараа бүтээгдэхүүний үзэсгэлэн - 2024" томоохон худалдаа, бизнесийн нэгдсэн арга хэмжээг Улаанбаатар хотноо зохион байгуулж байна.
Бизнес эрхлэгчдийн анхаарлыг зүй ёсоор татаж буй “БНХАУ-ын бараа бүтээгдэхүүний үзэсгэлэн" наймдугаар сарын 23-нд буюу өнөөдөр “Мишээл Экспо” Олон улсын үзэсгэлэнгийн танхимд нээлтээ хийлээ.
Үзэсгэлэн, худалдаа наймдугаар сарын 25-ны өдөр хүртэл 3 хоногийн хугацаатай үргэлжилнэ.
Үзэсгэлэн, худалдаанд
- Техник технологи
- Автомашин, хүнд машин механизм
- Сэлбэг хэрэгсэл
- Барилгын материал
- Эрчим хүч
- Ахуйн хэрэглээний болон цахилгаан бараа
- Хүнс болон бусад өргөн хэрэглээний бүтээгдэхүүн үйлдвэрлэгч 70 гаруй байгууллагын бараа, бүтээгдэхүүнүүд танилцуулагдаж байгаа нь олзуурхууштай.
Та бүхнийг сонирхсон салбарынхаа бүтээгдэхүүн, үйлчилгээтэй танилцаж, хамтын ажиллагааг өргөжүүлэх боломжийг эрэлхийлэн хүрэлцэн ирэхийг урьж байна.
Холбоотой мэдээ
Сэтгэгдэл ( 0 )