ОЛОН ӨНГӨ | Зүрхний байгалиа зүлгэж явууштай

Цухалдаад цурам нойр алдана. Цочирдоод цог унтарна. Цолмон гараг холдоно. Цовхроод ч дэмий, цоож цуургагүй үлдэнэ. Тиймээс хүний амьдралд элдэв эрсдэл, гомдол, цурхирал тааралдана, тэр цагтаа тэнхээ алдарч тийрэнгийн идэш болов доо таминь гэж захина.

Тавгүйтэл таван өдөртөө л хумих. Тавин өдөрт сунгаад тав алдаад тамираа бараад яахав дээ. Хүүхэд лугаа л мартчих.

Хүндлэл алдахын нэмэр шүү дээ. Тиймээс там тааралдваас тайван давах ухааныг өвгөд сургадаг. Үг нь үнэн, үйлс нь хазайхгүй цааш даялна гэсэн үг ээ хө. Хэрэв цухал оволзоод байвал цулбуураа гартаа бариад цуврал кино үзэх, эсвэл цуглуулгадаа нэмэр хандивлах гэх мэт зүйлд дүйвүүлэн дүйцүүлэн дөхөх аюулаас амирлах арга гэгч бий. Стресс тайлах менежментийг хүн бүр эзэмшвэл зохилтой. Хөл хөндүүрлэж хөшиж дуусахгүй байх шалтгаан амар амгалан сэтгэл юм. Айлтайгаа амь нэг, ах дүүтэйгээ хүч нэг, ажил төрлийнхэнтэйгээ түвшин нэг амьдарвал барав гэлтэй. Амиа бодоод л явах бас төгөлдөр биш, төвөг чирэгдэлтэй, түмний хэл амны бай болох нь элбэгтэй тул хаяа багтахаар бууж, хошуу багтахаар идэж, төр төмбөгөр ёс ёмбөгөр явах нь зүй шүү, зүрхний байгалиа л зүлгэж явууштай анд мину.