“ЭРДЭНЭС МОНГОЛ” компанийн празит удирдлагуудад ХАРИУЦЛАГА ТООЦ

С.НАРАНЦОГТ ЗАХИРЛЫН УРГИЙН МОДНЫ УРАМШУУЛАЛ

Төрийн өмчит уул уурхайн 34 компанийг базаж байгаа “Эрдэнэс Монгол” гэх празит компанийн даварсан үйлдэл хэрээс хэтэрсэн тухай тал талын эх сурвалж гомдол мэдүүлж байна. Тэгвэл С.Наранцогт нь “Эрдэнэс Тавантолгой” компанийн захирал болсон даруйд хадам ээжээ ерөнхий нягтлан бодогчоор, бэрийгээ ОНХА-д тус тус томилж, ойрын хамаарал бүхий нөхдөө хууль бусаар томилсноор түүний ажиллагаа эхэлнэ. Мөн өөрийн хамаарал бүхий Сангийн яаманд хамт ажиллаж байсан н.Наранчимэг гэх эмэгтэйг Дотоод хяналтын даргаар, О.Балжинням аваргын охин Б.Гэрлээг Хуулийн хэлтсийн даргаар, Захиргааны хэлтсийн даргаар Б.Пүрэвсүрэн, Компанийн засаглал хариуцсан Ахлах мэргэжилтнээр Б.Тэнгис гээд түүний хамаарал бүхий этгээдүүд ихэнх нь төрийн албаны шалгалт өгөөгүй, тэнцээгүй нөхдүүд өндөр цалин аваад суудал бөглөж суугааг эх сурвалж хэллээ. Ганцхан жишээ дурдахад Б.Тэнгисийн хувьд шалгалтдаа тэнцээгүй бөгөөд Хуулийн хэлтсийн даргын хамаарал бүхий нөхөр учраас үндсэн цалингийн хэмжээ зургаан сая төгрөг авч, дээр нь  хавсарч гүйцэтгэдэг албан тушаалын цалин авч, түүнийхээ 40 хувиар давхар цалинжиж байна. Үүний зэрэгцээ Гашуунсухайт автозам компанийн ТУЗ-ийн Нарийн бичгийн даргаар ажиллаж бас цалин авах зэргээр жинхэнэ ургийн модны урамшуулал газар авч, завхрал бий болсон газар гэдэг нь харагдана. Төрийн албаны шалгалтад тэнцээгүй хууль бус Б.Тэнгис гэх нөхөр ийнхүү гурван ч шугамаар өндөр цалин авч ажилладаг нь С.Наранцогт захирлын ургийн модны урамшууллын нэгээхэн жишээ.

“ЭРДЭНЭС ТАВАНТОЛГОЙ”-Н ХЭЛСТИЙН ДАРГА НАР НАЙМАН САЯ, АХЛАХ МЕНЕЖЕРҮҮД 12 ТӨГРӨГИЙН ЦАЛИНТАЙ

Тэгэхээр цалин урамшууллын талаар сонирхож таарна. “Эрдэнэс Монгол” компанийн цалин бол өнөөгийн нийгэмд байхгүй өндөр цалинтай. Тухайлбал, тус газрын мэргэжилтэн дөрвөн сая төгрөгийн цалин авна, Хэлтсийн дарга нар найман сая, ахлах менежерүүд 12 сая төгрөгийн цалин авна гэхээр С.Наранцогт захирлын цалин бол тоолж барахгүй биз ээ. Тэгвэл С.Наранцогт захирал хоосон орон тоон дээр гаднаас хүн авч ажиллуулдаггүй, нэг хурган даргаа буюу үүрэг гүйцэтгэгчээр томилж цалин иднэ.

Захиргаа удирдлагын газрын Ахлах менежер Б.Пүрэвсүрэн гэхэд өөрөө 12 сая төгрөгийн цалин авахын зэрэгцээ “Эрдэнэс Монгол” компанийн ТУЗ-ийн гишүүнээр ажиллана, дээр нь “Эрдэнэт-Ашид” хэмээх цаасны компани авсан ч үйл ажиллагаа нь огт яваагүй компанийн захирлын үүрэг гүйцэтгэгчээр томилогдож, эндээс мөн 12 сая төгрөгийн цалин авдаг байна. Эндээс харахад Б.Пүрэвсүрэн нь “Эрдэнэс Монгол”, “Эрдэнэс Тавантолгой”, “Эрдэнэт-Ашид” гэсэн гурван газраас өндөр хэмжээний цалин авч байна.

ЯМАР Ч ҮЙЛДВЭРЛЭЛ ЭРХЭЛДЭГГҮЙ, БУСДЫН ХӨДӨЛМӨРИЙГ СОРЖ АМЬДАРДАГ КОМПАНИ БАЙХ ХЭРЭГТЭЙ ЮУ?
 

Төрийн өмчит 34 компанийн орлогоос тус бүр хоёр хувь хүртэж суудаг хөгжил дэвшилд ямар ч хэрэггүй празит шиг газар бол “Эрдэнэс Монгол” компани. Тэнд үйлдвэрлэл алга, бүтээн байгуулалт алга, зүгээр л бусдын хүч хөдөлмөрийг сорж суудаг С.Наранцогт тэргүүтэй улс төрийн тавиулууд байна. Эрдэнэтийн уулын баяжуулах үйлдвэр гэхэд 2023 онд дөрвөн их наяд төгрөгийн ашигтай ажилласан. Тэгэхээр зөвхөн Эрдэнэтийн уулын баяжуулах үйлдвэрээс найман тэрбум төгрөг авч байна. Бусад 33 компанийн ашгийн хоёр хувь гэхээр чамгүй хэдэн төгрөг болно. Ийм их хэмжээний мөнгийг зүгээр суугаад авч байгаа компани байх ёстой юу үгүй юу гэдгийг ч хөндөх цаг нь болсон.

Х.Өлзийт