БРИКС-ийн гишүүн түншүүдтэйгээ нягт хамтран ажиллана

Хятад улс БРИКС-ийн гишүүн түншүүдтэйгээ хамтран дэлхийн эдийн засгийн тогтвортой байдлыг хангахын төлөө янз бүрийн салбарт практик хамтын ажиллагаагаа гүнзгийрүүлнэ.

Энэ тухай БНХАУ-ын Гадаад харилцааны яамны албан ёсны төлөөлөгч Линь Зянь ээлжит хэвлэлийн бага хурал дээр БРИКС-ийн гишүүн орнуудын бараанд импортын албан татвар ногдуулах тухай Доналд Трампын мэдэгдлийг тайлбарлахдаа тэмдэглэсэн байна.

БРИКС-ийн гишүүн орнууд шинэ валют гаргах юм уу доллароос татгалзсан тохиолдолд тэдгээр улсын бараанд 100%-ийн импортын татвар нэвтрүүлнэ гэж өмнө нь Трамп нийгмийн Truth Social сүлжээн дэх өөрийн хуудаст бичсэн юм.