ХЭН ЮУ ХЭЛЭВ I ХҮН нам Засгийн газраас 2028 он хүртэл гарахгүй

Энэ дугаарын “Хэн юу хэлэв” буланд УИХ-ын гишүүн, ХҮН намын дарга, Монгол Улсын Шадар Сайд Т.Доржханд, Нийслэлийн Засаг дарга бөгөөд Улаанбаатар хотын захирагч Х.Нямбаатар, ЭМЯ-ны Нийгмийн эрүүл мэндийн бодлогын газрын дарга Л.Баттөр нарын үгийг онцолж байна.

УИХ-ын гишүүн, ХҮН намын дарга, Монгол Улсын Шадар Сайд Т.Доржханд:

-ХҮН нам Засгийн Газраас 2028 он хүртэл гарахгүй. Сайн, муу бүх цаг үед монголчууд хамт байх ёстой. Цаашдаа мега төслүүдээ хийнэ.

Нийслэлийн Засаг дарга бөгөөд Улаанбаатар хотын захирагч Х.Нямбаатар:

-Улаанбаатар хотод сүүлийн жилүүдэд барилгажилт нэмэгдэж, энэ хэрээр иргэд явганаар зорчих боломжгүй болсон. Мөн зогсоолын хүртээмж хангалтгүй байгаа. Зогсоолгүйгээс явган хүний зам, гарц, I эгнээнд автомашинаа тавьдаг. Энэ нь түгжрэл үүсэх нэг шалтгаан бөгөөд автомашинд зориулагдсан хот болсон. Тиймээс уг асуудлыг шийднэ.

ЭМЯ-ны Нийгмийн эрүүл мэндийн бодлогын газрын дарга Л.Баттөр:

-Багануур дүүрэгт Метилийн спирт уусан байж болзошгүй зургаан хүний хоёр нь нас барж, дөрвөн хүн эмнэлэгт хэвтэн эмчлүүлж байна. Дээрх иргэд нь уурхайн ажилчид байсан бөгөөд одоогоор эрсдлийн баг метилийн спиртээс хордсон уу, өөр зүйл байсан уу гэдгийг тодруулахаар ажиллаж байна.