Н.Номтойбаяр: Дотоодын хөрөнгө оруулагчдад ялгавартай хандмааргүй байна

УИХ-ын гишүүн Н.Номтойбаяр олон нийтэд мэдээлэл өглөө. 

Энэ үеэрээ тэрээр "Шинэ гишүүддээ хандаж хэлмээр санагдаж байна. Дотроо эмээлттэй байх шиг байна, ингэчих болов уу, тэгчих болов уу гээд. Энэ айдсаасаа гармаар байна. Өргөсөн тангарагтаа үнэнч байж, зарчмын асуудал дээр зориг орооч ээ гэж хэлмээр байна. Арай дэндүү хүлцэнгүй, үхээнц байгаад байна. 

Мөн гаднын хөрөнгө оруулагч гэхээр өвдөг нь сулраад, дотоодынхон гэхээр маш дээрэнгүй ханддаг явдал байна. Энэ ялгавартай байдлаа орхиоч ээ. Хөрөнгө оруулалтын хууль удахгүй орж ирнэ. Хуучнаараа Гадаадааын хөрөнгө оруулалтын тухай хууль гэдэг нэрээрээ орж ирэх гээд байна. Би үүнд эсрэг байр суурьтай байна. Яагаад гадаад, дотоод гэж хоёр хуваагаад байгаа юм. Эцсийн дүндээ ямар ч хүнд үед дотоодын хэдэн компани чинь байж л байна. Гаднынхан хүний сэтгэлээр л хандана шүү дээ. 

Дотоодынхондоо бөөн зөвшөөрөл, бөөн татвар, дампууруулах гээд үзээд байгаа юм шиг ялгавартай байдлаа болиосой гэж хүсэж байна" гэлээ.