Ерөнхий сайд асан Л.Оюун-Эрдэнийн орлого нотлох хугацааг 30 хоног СУНГАЛАА

Ерөнхий сайд асан Л.Оюун-Эрдэнэ болон түүний хүү О.Тэмүүлэнгийн хөрөнгө, орлогыг шалгах хугацааг 30 хоногоор сунгажээ.

Авлигатай тэмцэх газраас тавдугаар сарын 23-ны өдөр албан ёсоор шалгалтын ажиллагааг эхлүүлсэн бөгөөд хуульд 30 хоногийн дотор шийдвэрлэхээр заасан байна. Ингээд өчигдөр хуульд заасан хугацаа дууссан ч дахин 30 хоног сунган шалгахаар болжээ.

Өнгөрсөн хугацаанд энэ асуудалтай холбоотойгоор О.Тэмүүлэн, “Херо энтертайнмент”-ын захирал Б.Баатар, А.Амундра нараас тайлбар мэдүүлэг авсан бол Ерөнхий сайд асан Л.Оюун-Эрдэнэ хоёр удаа мэдүүлэг өгчээ.

Шалгалтаар О.Тэмүүлэн энтертайнмент чиглэлээр үйл ажиллагаа явуулдаг өөрийн компаниараа “Хэро энтертайнмент”-тай хамтарч ажилладаг гэдгээ нотолсон байна.