Б.Хэрлэн: М.Нарантуяа-Нара гишүүнд өргөдөл, гомдлыг танилцуулсан
УИХ-ын гишүүн М.Нарантуяа-Нарад ирсэн гомдлыг Ёс зүйн дэд хороогоор хэлэлцэх ёстой байсан ч хурал ирц хүрээгүйн улмаас хойшиллоо.
Энэ талаар УИХ-ын Ёс зүйн дэд хорооны дарга Б.Хэрлэн "Манай хороо найман гишүүнтэй, өнөөдөр хоёр нь ирлээ. Манайд М.Нарантуяа-Нара гишүүнтэй холбоотой 48 өргөдөл ирсэн байгаа. Бид асуудалд аль болох бодитой хандах зарчмыг барьж ажилладаг. Тиймээс өргөдөл гаргасан иргэд болон М.Нарантуяа-Нара гишүүнтэй холбогдож, уулзаж танилцуулсан.
Төрийн албан хаагчын ёс зүйн тухай хууль, УИХ-ын гишүүний ёс зүйн дүрэмд зөрчил дахин гаргасан тохиолдолд сануулна, олон нийтээс албан ёсоор уучлалт гуйлгах, зургаа хүртэлх сарын хугацаанд цалингийн 20 хувийг хасах зэрэг хариуцлага тооцох сахилгын арга хэмжээ авдаг.
48 өргөдлийн гурав нь ижилхэн байсан уу гэвэл тийм. Үүнийг тодруулах нь бидний ажил биш" гэлээ.
ДЭЛГЭРЭНГҮЙ ҮЗЭХ
Сэтгэгдэл ( 0 )