“Эль Класико” | Барса талбайдаа ялагдал хүлээлээ

Лигийг ялгуусан амжилтаараа тэргүүлж байсан Барса энэ тоглолтын эхэнд гол фаворит нь байсан байж болох ч Реал Мадрид анхны боломжийг үүсгэсэн юм. Барсагийн Педригийн алдаатай дамжуулалтыг Арда Гулер таслан торгуулийн талбай руу гүйж, улмаар хаалганы дээгүүр өшиглөсөн билээ. Эхний боломжийн дараа 25 дахь минут гэхэд хоёр баг аль хэдийнээ хоёр, хоёр аюултай боломж үүсгээд байлаа. Гэвч эхний үеийн дундуур Барсагийн баруун жигүүрийн залуу тоглогч Шави Эспарт бэртэж, оронд нь Алехандро Балде талбайд гарав. Өнгөрсөн шөнийн тоглолтод Реал Мадридын Куртуа ханиадны улмаас талбайд гараагүй. Харин Андрей Лунин улирлын эхний тоглолтдоо гараанд гарсан юм. Реал Мадридын Франц онд Килиан Мбаппе эхний үе дуусахаас ердөө дөрвөн минутын өмнө Барсагийн хамгаалалтын алдаанаас үүдэн азтай гэмээр гоол оруулав. Энэ нь түүний улирлын 10 дахь гоол байлаа.

Хоёрдугаар үе Барсагийн хөгжөөн дэмжигчдийн их нүргээн дунд эхлэв. Хоёр багаас харилцан томоохон боломж гарч байсныг дурдах нь зүйтэй. Гэвч Барсагийн бөмбөг эзэмшилт илүү байсан юм. Энэ нь ч үр дүнгээ өгч тоглолтын 61 дэх минутад Барсагийн мэргэн бууч Рафинья торгуулийн талбайд авсан бөмбөгийг Лунинийн алсын буланд шигтгэлээ. Ийнхүү тэрээр улирал эхэлснээс хойш бүх тэмцээний хүрээнд 15 дахь гоолоо оруулсан юм. Тэнцээний гоолын дараа Реалын довтолгоо эрчимжсэн ч үр дүнд хүрэхгүй л байлаа. Гэсэн ч тоглолт дуусахаас ердөө гуравхан минутын өмнө 87 дахь минутад Камавингагийн дамжуулалтыг Мбаппе чулуу болгож, тоглолтын хоёр дахь гоолоо орууллаа.

Ийнхүү Реал Мадрид клуб 2023 оны аравдугаар сараас хойш Камп Ноу цэнгэлдэхэд анх удаагаа ялалт байгууллаа. Харин Жозе Моуриньо Барсагийн эсрэг тоглосон тоглолтод ялагдаагүй цуврал зургаа болж өргөжсөн юм. Реал Мадрид ялалт байгуулсан ч хүснэгтийн гуравдугаарт хэвээрээ байна. Гэхдээ хамаг гол нь тэргүүлэгч Барсагаас ердөө гуравхан оноогоор хоцорч байгаа юм.

Дэлхийн алдарт “1xBet” брэндийн албан ёсны хамтрагч Барселона клуб өөрийн цэнгэлдэхдээ байгуулсан ялалтын цуврал 23 хүрээд өндөрлөлөө. Барса ийнхүү ердөө гурав хоногийн дотор хоёр ч томоохон ялагдал хүлээсэн нь энэ болсон юм.

“Өнөөдөр хүссэнээр болсонгүй. Том тоглолтуудад жижиг зүйлс ч чухал байдаг. Ялагдал гэдэг бол хөлбөмбөгийн нэгээхэн хэсэг. Бид чухам юун дээр алдсаныг ойлгож, илүү сайн тоглохын төлөө хичээх ёстой. Өнөөдөр бид хангалттай сайн байж чадсангүй”

Барселона клубийн дасгалжуулагч Ханси Флик