“Miss Mongolia” тэмцээн энэ сарын сүүлээр болно

Монголын гоо бүсгүй шалгаруулах ”Miss Mongolia” тэмцээн энэ сарын сүүлээр болох гэж байна. Тэмцээнд 16-гаас дээш насны охид оролцоно. Энэ жил Архангай, Дорноговь, Өвөрхангай аймгийн сайхан бүсгүйчүүд оролцох урилга авчээ. Харин Улаанбаатараас оролцогчдыг өчигдрөөс “Азийн модель” агентлаг дээр бүртгэж эхэллээ. Тэмцээнд оролцохыг хүсэгчид англи хэлний анхан шатны мэдлэг болон дуулж, бүжиглэдэг авьяастай байх шаардлагатай. Тус тэмцээний өмнөх ялагчдаар Ч.Содтуяа, Б.Гантогоо, Г.Бадамцэцэг нар тодорч, гадаадад эх орныхоо нэрийг өндөрт өргөх завшаан олдсон юм. Наадмыг “Miss Mongolia” ТББ-аас найм дахь жилдээ зохион байгуулах гэж байна.

Эх сурвалж: Нийслэл таймс сонин