ХЗДХ-ийн сайд Ц. Нямдорж давж заалдахаар болжээ

Анхан шатны шүүхийн шийдвэрээр  УИХ-ын гишүүн Х.Баттулгад ялагдал хүлээсэн Хууль зүй, дотоод хэргийн сайд Ц.Нямдорж давж заалдах шатны шүүхэд хандахаар болжээ. Тэрээр Х.Баттулгыг ЗТБХБ-ын сайд байхдаа ОХУ-ын төмөр замын нийгэмлэгтэй хэлэлцээр хийж, нууц гэрээ байгуулсан хэмээн удаа дараа мэдэгдэж байсан. Түүний мэдэгдлийг УИХ-ын гишүүн  Х.Баттулга  няцааж  шүүхэд хандсан юм.

Энэ хэргийг Хан-Уул дүүргийн шүүх өнгөрсөн баасан гарагт хэлэлцэж Хууль зүй, дотоод хэргийн сайд Ц.Нямдоржийг УИХ-ын гишүүн Х.Баттулгын нэр хүндэд халдан гүтгэсэн гэж анхан шатны шүүх шийдвэр гарсан билээ.

 Х.Даваа