Өнөөдөр болох үйл явдлын тойм

Өнөөдөр 11:30 цагт “Чингис” зочид буудлын, "Тэмүүжин" ресторанд дуучин Х.Лхагвасүрэн, С.С. Амармандах, Т.Дэлгэрмөрөн нарын “Мөнх хөх тэнгэр” цомгийн нээлтийн хэвлэлийн бага хуралтай.

Софийн их сургуулийн ректор Иван Илчев, Болгарын Антарктид судлалын хүрээлэнгийн захирал Кресто Пимпирев нар өнөөдөр 10.00 цагт ШУТИС-д зочлон хамтын ажиллагааны гэрээнд гарын үсэг зурж, лекц уншина.

ҮХШХ-ны хурлын зааланд өнөөдөр 11.30 цагт Инновацийн хууль УИХ-аар батлагдсантай холбогдуулан УИХ-ын гишүүн С.Бямбацогт, Н.Ганбямба, ҮХШХ-ны дарга Ч.Хашчулуун нар сэтгүүлчдэд мэдээлэл хийнэ.

“Арьс ширний салбарын боловсруулах үйлдвэрлэлийн шатанд тулгамдаж буй асуудал” сэдэвт уулзалт зөвлөгөөн өнөөдөр 10.00-16.00 цагт ”Бишрэлт” зочид буудлын хурлын зааланд болно.

”Эдийн засгийн өгөөжтэй өсөлт ба эрх зүйн шинэтгэл” сэдэвт олон улсын форум энэ сарын 29-30-нд Их тэнгэр цогцолборт болно.

“Монгол нюьс” мэдээллийн төвд

11:00 цагт Өмнөговь аймгийн шүүгч Үндсэн хуулийг тайлбарласан талаар Иргэдийн шудрага шүүхээс мэдээлэл хийнэ.

12:00 цагт “Хөх Монгол” бүлгэмээс “Монгол хүн монгол нутагтаа дарлагдах ёсгүй” сэдвээр хэвлэлийн бага хурал зарлалаа.  

Т.Ялгуун