Уурхайд дарагдсан хүмүүсийн амийг аварлаа

Налайх дүүрэг дэх Уул уурхайн албаныхан нурангид хаагдсан таван хүнийг аварчээ. Тус албанд энэ сарын 1-ний 23.50 цагт уурхайд хүн дарагдлаа гэсэн дуудлага ирсэн байна. Аврагчид газар дээр шуурхай очиход нүүрсний амнаас хойш 50 метрийн зайд нуранги үүсч, хүмүүс цаана нь боогдсон байжээ. Аврагчид нуранги үүссэн амны зэрэгцээх амнуудыг олж нүхлэн 02.00 цагийн үед нурангид хаагдсан хүмүүст тусламж үзүүлсэн аж. Нурангид хаагдсан иргэд 21-51 насны эрчүүд байжээ.