Монголчуудын нүүрний хэлбэр өөрчлөгдөж эхэлжээ

Монгол хүний нүүр, шүдний хэлбэр өөрчлөгдөж байгааг эмч нар онцоллоо. Хүмүүс нүүрэндээ мэс засал хийлгэх нь олширсон ч энэ нь генийн түвшинд нөлөөлөхгүй. Гэтэл үүнээс өөр тагнай, шүдний хэлбэр өөрчлөгдөж, гаж шүд ургах нь олширсон байна.

Энэ нь сайн зажилж идэх хоолны нэр төрөл багасч, хэт зөөлөн, хагас боловсруулсан бүтээгдэхүүний тоо нэмэгдсэнээс болж эдгээр өөрчлөлт гарах болжээ. Өөрөөр хэлбэл, хоолыг удаан зажлах шаардлагагүй болсноор нүүрний булчин суларч, эрүүний хөгжил бүрэн явагдахгүй, шүдний уг сайн бэхжихээ больсон аж. Энэ нь нүүрний хэлбэрт нөлөөлж байна гэсэн үг юм.