Гаалийн улсын байцаагч хилээр хориотой бараа гаргахыг завджээ

Замын-Үүдийн хилийн боомтоор 40 тоннын чингэлэгт нуусан хориотой барааг Хятад руу гаргах гэж байсан этгээдүүдийг баривчилжээ. Нууцаар гаргах гэж байсан бараанд 15 шуудай ногоон хаш, 16 шуудай үзмэн мана, бугын чив, засаа, зээрийн мах 150 гулууз байсан аж.

Хамгийн гол нь гаалтийн мэргэжлийн хяналтын байцаагч нар уг чингэлгийг ачсан машиныг хилгээр гарга гэж шалган нэвтрүүлэх хүмүүст хэлсэн байжээ. Гэхдээ байцаагч нарт сэжигтэй санагдсан учраас шалгаж үзэхэд дээрх зөрчил илэрсэн юм байна. Одоогоор энэ хэрэгт холбогдуулан дөрвөн хүнийг сэжигтнээр татаж, шалгаж эхэлжээ. Сэжигтнүүд нь Замын-Үүдийн хилийн мэргэжлийн хяналтын улсын байцаагч Т.Энхбаатар, гаалийн улсын байцаагч П.Агваанноров, хориотой барааны эзэд болох Т.Болдбаатар, Д.Жаргалсайхан нар юм.