АНУ-ын иргэд 80 нас хүртлээ ажиллах сонирхолтой

АНУ-ын дундаж давхаргын иргэдийн дунд тэтгэвэрт гарах тохиромжтой насны талаар судалгаа явуулжээ. Судалгаанд оролцогчдын 1/3 нь 80 хүртлээ ажиллаж байж л тухлаг амьдралыг цогцлоож чадна гэж үзсэн байна. Wells Fargo банк өнгөрсөн сарын 4-9-ний хооронд дээрх судалгааг телефон утсаар явуулжээ. Санал асуулгад 25-75 насны иргэд оролцсон бөгөөд үр дүн нь дээрх байдлаар гарсан байна. Жилийн өмнө яг ийм асуудлаар явуулсан санал асуулгад иргэдийн 25 хувь нь 80 хүртлээ ажилламаар байна гэсэн хариултыг өгч байсан юм. Өөрөөр хэлбэл, 8 хувиар нэмэгджээ. Мөн санал асуулгад оролцогчдын 73 хувь нь тэтгэвэрт гарсныхаа дараа ажиллана гэжээ. Жилийн өмнө ингэж боддог хүмүүс 70 хувь байсан юм. 

Гавьяаныхаа амралтыг авах насан дээрээ ирсэн хүмүүсийн 53 хувь нь тэтгэврийн мөнгөөрөө хэрэгцээгээ хангаж чадна гэдэгтээ итгэлгүй байгаагаа илэрхийлжээ. Ноднин жил ийм итгэлгүй хүмүүс дөнгөж 42 хувь байсан байна.

            АНУ-ын хууль ёсоор иргэн хүн 65 насандаа тэтгэвэрт суух ёстой. 62 наснаасаа эхлээд хувийн тэтгэвэр бодуулж болдог. Ингэхдээ төрсөн жилд нь хэр олон хүн төрсөн бэ гэдгийг бас авч үздэг юм. Жишээлбэл 1943-54 онд төрсөн хүн 65 биш 66 настайгаасаа бүтэн тэтгэвэр авах эрхтэй аж. Дэлхийн хоёрдугаар дайны дараа, төрөлтийн тэсрэлт /baby boom/болж байх үед төргсдийн түрүүч нь 2007 он тэтгэвэрт гарчээ.   

С.Төгөлдөр