Нийслэлийн прокурорын газраас Тээврийн прокурорын газрын хяналтын прокурор Х.Тамир нарт холбогдох хар тамхины хэрэгт яллах дүгнэлт үйлдэж ирүүлснийг 2017 оны 01 дүгээр сарын 11-ний өдөр Баянгол дүүргийн эрүүгийн хэргийн анхан шатны шүүхээс шийдвэрлэлээ.
ШҮҮХЭЭС:
- Б.Амарбаясгаланд холбогдох хэргээс Эрүүгийн хуулийн тусгай ангийн 192 дугаар зүйлийн 192.1-д заасан гэмт хэргийг хэрэгсэхгүй болгон, Эрүүгийн хуулийн тусгай ангийн 188 дугаар зүйлийн 188.3-д заасан гэмт хэргийг мөн хуулийн 188 дугаар зүйлийн 188.2 болгон зүйлчлэлийг өөрчилж, Эрүүгийн хуулийн тусгай ангийн 188 дугаар зүйлийн 188.2-д зааснаар буюу Хар тамхи, мансууруулах буюу хордуулах, цацраг идэвхт, тэсэрч дэлбэрэх бодисыг хууль бусаар Монгол Улсын хил нэвтрүүлсэн гэж үзэн 5 жил 2 сарын хорих ялаар,
- Н.Мөнхбатад холбогдох Эрүүгийн хуулийн тусгай ангийн 188 дугаар зүйлийн 188.3-д заасан гэмт хэргийг мөн хуулийн 188 дугаар зүйлийн 188.2 болгон зүйлчлэлийг өөрчилж, Эрүүгийн хуулийн тусгай ангийн 188 дугаар зүйлийн 188.2-д зааснаар буюу Хар тамхи, мансууруулах буюу хордуулах, цацраг идэвхт, тэсэрч дэлбэрэх бодисыг хууль бусаар Монгол Улсын хил нэвтрүүлсэн 5 жил 2 сарын хорих ялаар,
- Х.Тамирт холбогдох хэргээс Эрүүгийн хуулийн тусгай ангийн 192 дугаар зүйлийн 192.1, 188 дугаар зүйлийн 188.3-д заасан гэмт хэргийг тус тус хэрэгсэхгүй болгож, Эрүүгийн хуулийн тусгай ангийн 272 дугаар зүйлийн 272.2-д заасан гэмт хэрэгт гэм буруутайд тооцон, Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан Өршөөл үзүүлэх тухай 2015 оны 8 дугаар сарын 11-ний өдрийн хуульд хамрагдаж хэрэгсэхгүй болгож, мөн Эрүүгийн хуулийн тусгай ангийн 268 дугаар зүйлийн 268.2-д заасан гэмт хэрэг буюу их буюу онц их хэмжээний хээл хахууль авсан гэм буруутайд тооцож бусдаас авилгалд авсан 15.820.000 төгрөгийг Х.Тамираас гаргуулан улсын орлого болгож, 500,000 төгрөгийн эд хөрөнгө хураан 5 жил 1 сарын хорих ялаар,
- Б.Сүхбаатарт Эрүүгийн хуулийн тусгай ангийн 188 дугаар зүйлийн 188.3-д заасан гэмт хэргийг мөн хуулийн 188 дугаар зүйлийн 188.2 болгон зүйлчлэлийг өөрчилж, 5 жил 1 сар, мөн хуулийн 192 дугаар зүйлийн 192.2-д зааснаар 5 жил 1 сарын хорих ял тус тус оногдуулж дээрх ялын заримыг нэмж нэгтгэн биечлэн эдлэх ялыг 6 жилийн хорих ялаар,
- Л.Жавхлан нь /өмнөх тогтоолоор /хүн амины хэрэг/ оногдуулсан 15 жилийн хорих ялаас 2 жил 7 сар 17 хоногийн хорих ялаас хугацааны өмнө тэнсэн суллагдсан/ ба тэнсэнтэй байх хугацаанд зам тээврийн осол гаргаж хэргийн газраас зугтаасан буюу Эрүүгийн хуулийн тусгай ангийн 216 дугаар зүйлийн 216.2, мөн хуулийн 269 дүгээр зүйлийн 269.1-д заасан гэмт хэрэгт тус тус гэм буруутайд тооцож Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан Өршөөл үзүүлэх тухай 2015 оны 8 дугаар сарын 11-ний өдрийн хуульд хамрагдаж хэрэгсэхгүй болгож, өмнөх тогтоолоор оногдуулсан 15 жилийн хорих ялаас эдлээгүй үлдсэн 2 жил 7 сар, 17 хоногийн хорих ялыг биечлэн эдлүүлэхээр тус тус шийдвэрлэлээ.
Түүнчлэн шүүхээр шийдвэрлэсэнчлэн шүүгдэгч нарт оногдуулсан хорих ялыг жирийн дэглэмтэй хорих ангид эдлүүлэх юм.
Д.Үржинбадам
Сэтгэгдэл ( 1 )
Hog iin nobsh